மின்சாரம்

மின்சாரம்
மனித அறிவினால் கண்டறியப்பட்டவிஷயங்களில் மின்சாரம் ஒரு மிகச் சிறந்த கண்டுபிடிப்பாகும். மின்சாரம் சக்தியின் மிகச் சிறந்த வடிவமாகும். மின்சக்தியை எந்த வித சக்தியாகவும் மிக எளிதில் மாற்ற நமக்கு பல கருவிகள் உள்ளன. மனிதர்கள் பணத்தைக் கொண்டு பல விஷயங்களை இவ்வுலகில் விலைக்கு வாங்க முடிவது போல மின்சாரத்தைக் கொண்டு பல காரியங்களை எளிதாச் செய்யலாம். நமது அன்றாட வாழ்வில் மின்சாரம் தற்போது சர்வ சாதாரணமாக உபயோகப்பட்டு வருகிறது. இத்தைகைய மின்சார உற்பத்தி தொழில்களான அனல் மின் சக்தி, நீர் மின் சக்தி, அணு மின் சக்தி நிலையங்களில் கோடிக்கணக்கான தொழிலாளர்கள் வேலை வாய்ப்பு பெற்று வாழ்ந்து வருகிறார்கள். வீடுகளில் உபயோகபடுவது மட்டுமில்லாமல் பல லட்சக்கணக்கான தொழிற்சாலைகளில் உலகம் முழுவதும் பலவித வளர்ச்சிப் பணிகளுக்காகவும் ஆக்கப் பணிகளுக்காகவும் மின்சாரம் பயன்படுகிறது. மின்சாரம் மனித வாழ்வின் அத்யாவசிய தேவையாக மாறி விட்டது.